C.V. ژیاننامە

.C.V

• ئازاد عوسمان سالح (آزاد عثمان صالح)

• ڕۆژی بوونم له‌ ناوەڕاستی پایزی سالی ١٩٥٠ لە شارۆچکەی دیانا / قەزای ڕواندزە.

• خوێندنی سەرەتاییم لە دیانا و ناوەندی لە ڕواندز و ئامادەییم لە هەولێر تەواو کردووە.

• له‌ سالی ١٩٧١ به‌که‌لۆریۆسم له‌ زانستە کشتوکالییەکان له‌ زانکۆی به‌غداد به‌ده‌ستهێناوه‌.

• لە سالی ١٩٧٤ تا نسکۆی شۆڕشی ئەیلول لە بەهاری ١٩٧٥ پێشمەرگە بووم.

• لە بەهاری سالی ١٩٧٥ تا کۆتایی سالی ١٩٧٩ دوورخرامەوە (لەگەل هەزاران کورد) لە لایەن ڕژێمی بەعس بۆ شاری دیوانیە لە باشووری عیراق.

• لە سالی ١٩٧٢ تا سالی ١٩٨٢ (جگە لە ماوەی پێشمەرگایەتیی) ئەندازیاری کشتوکالیی بووم: لە شارەکانی: سلێمانی و هەولێر و دیوانیە.

• لە هاوینی ١٩٨٢، چونکە ئامادەنەبووم لە بەرەی جەنگی عیراق- ئیران بەشداربم، ئاوارەی ولاتی ئەلمانیا بووم.

• له‌سالی ١٩٩٢ لەتەک کار (وەک ئەندازیاری کشتووکالیی و پاشان وەرگێڕ) دەستم بە خوێندنی زانستە سیاسییەکان کرد، له‌ زانکۆی ئازاد له‌ به‌رلین (FU-Berlin) و له‌ ١٩٩٨ خوێندنەکەم بە بڕوانامەی دیپلۆم (کە یەکسانە بە ماستەر) تەواوکرد.

• له‌سالێ ٢٠٠٤ دکتۆرام له‌ زانستی سیاسه‌ت له‌ هه‌مان زانکۆی ناوبراو ئەنجامدا‌؛ پسپۆڕیی ‌گشتییم: زانستی سیاسەت و پسپۆریی ‌تایبه‌تیم پەیوەندیی نێودەولەتییە.

• له‌ ئه‌وروپا و کوردستان دوازدە کتێب و نامیلکەم داناوە چواردە توێژینه‌وه‌یه‌ی زانستیمان (بەتەنیا و بە هاوبەشیی لەگەل خوێندکارانی ماستەر و دکتۆرا) لە گۆڤارە زانستییەکان دا بلاوکردووەتەوە. هەروەها ده‌یان لێکۆلینەوەی زانستی و گوتاری سیاسیم: ‌به‌ زمانه‌کانی کوردی وعه‌ره‌بی وئه‌ڵمانی و ئینگلیزی، له‌ ڕۆژنامه‌ و گۆڤار و‌ سایتی ئینته‌رنێت و فێسبووک دا بلاوکردوونە‌ته‌وه، به‌تایبه‌تی له‌بارەی سروشت و سته‌می ڕژێمی به‌عس، دۆز‌ی کورد، پرۆسه‌ی سیاسیی عیراق، فیدرالیزم، هەلبژاردن، پرس و گرفتەکانی هەرێمی کوردستان لەگەل حکومەتی ئیتیحادی عیراق، بە تایبەتی گرفتی ناوچە دابڕێندراوەکان “کێشەلەسەرەکان”.

• کتێب و نامیلکەکانیش ئه‌مانه‌ن:

• صوب عراق الغد، مجموعه‌ عمل کردستان – برلین، ١٩٩١ (نامیلکە).

• Zwischen Tragödie und Hoffnung, Kurdistan-AG, Berlin 1992 (له‌ نێوان کاره‌سات و ئاوات دا- به‌ ئه‌لمانی- نامیلکە)

• Freies Kurdistan, Dissertation, Berlin 2005 (کوردستانی ئازاد- پەناگەی ئارام / به‌ ئه‌لمانی- کتێب)

• کتابات مختاره‌ من اجل السلام و التقدم فی العراق الجدید، دار ئاراس للطباعه‌ والنشر، اربیل، ٢٠٠٧ (کتاب).

• Die Rolle und Ziele der USA im Zweiten Golfkrieg, Berlin 2010 (رۆل و ئامانجەكانی ولاتە يەكگرتووەكانی ئەمريكا لە جەنگی دووەمی كەنداو، دەزگای گرين، بەرلين ٢٠١٠ – بە ئەلمانی – كتێب)

• Abgetrennte und umstrittene Territorien, Studie, Erfurt, 2012 (ناوچە دابڕێندراو و کێشەلەسەرەکان – توێژینەوە بەزمانی ئەلمانی)

• ناوچە دابڕێندراو و کێشەلەسەرەکان، وەرگێڕانی دەقی ئەلمانی توێژینەوەی ناوبراو، خانەی ئەربیل، هەولێر، ٢٠١٣ (کتێب).

• ماددەی (١٤٠)ی دەستووری هەمیشەیی عیراق، هەولێر، ٢٠١٣ (نامیلکە).

• چاکسازی سیاسیی و ئابووریی، دەزگای موکریانی، هەولێر، ٢٠١٣ (نامیلکە).

• مسألة محافظة كركوك المجزأة، دار موكرياني للطبع والنشر، اربيل، 2013 (كتيب).

• العملية السياسية و مسيرة الفيدرالية في العراق الجديد، اربيل، 2013 (كتاب يضم ثلاثة بحوث، البحث الثاني يخص: مشكلة حدود إقليم كوردستان الفيدرالي).

• Four Letters for Peace, Erbil, 2014 (pamphlet)

• له‌ سەرەتای سالی ٢٠٠٧ وه‌ تا کۆتایی سالی ٢٠٢٠ مامۆستا بووم له‌ کۆلێجی یاسا و سیاسەت و لە کۆلێجی زانستە سیاسییەکان لە زانکۆی سه‌لاحه‌ددین له‌ هه‌ولێر. ‌لە هەر چوار قۆناخی بەکالۆریۆس و لە کۆرسەکانی ماستەر و دکتۆرا وانەم پێشکەش کردوون. لە سالی ٢٠١٣ بووم بە پرۆفیسۆری یاریدەر.

• لە سالی ٢٠١٠ تا ئێستا سەرپەرشتی چەندین نامەی ماستەر و تێزی دکتۆرام کردووە، هەروەها بەشدار بووم لە تاوتوێکردنی چەندین ماستەرنامە وتێزی دکتۆرا – وەک ئەندام یان سەرۆک لێژنە – لە زانکۆکانی هەرێمی کوردستان (هەولێر، سلێمانی، دهۆک و سۆران).

• لە نێوان سالانی ٢٠٠٥-٢٠٢٠ چەندین جار (خۆبەخشانە) به‌شداریم کردووه‌ له‌ ڕاوێژکاریی سیاسیی و دەستووریی چه‌ند دام و دەزگایەکی هه‌رێمی کوردستان (سەرۆکایەتی هەرێم، دیوانی ئەنجومەنی وەزیرانی هەرێم، پەرلەمانی هەرێم و وەزارەتی ناوچەکانی دەرەوەی ئیدارەی هەرێم)؛ لەو ماوەیەدا ‌ژمارەیەک سیمینارم له‌ کوردستان و دەرەوەی ولات پێشکه‌ش کردوون‌ – به‌تایبه‌تی له‌ باره‌ی پرسە پەیوەندیدارەکان بە کورد لە یاسای ئیداره‌ی ده‌وڵه‌تی عیراق، ماددەی ١٤٠ی ده‌ستوری هه‌میشه‌یی عیراق، فیدرالیزم، پڕۆژەدەستووری هەرێمی کوردستان، پرسی سەرژمێریی، پرسی پارێزگای که‌رکوک، کێشه‌ی ناوچه‌دابڕێندراوە‌کان و هەلبژاردنەکانی پەرلەمانی کوردستان.

• لە هاوینی سالی ٢٠٢٠ (دوو هەزاروبیستەوە) خانەنشین بووم؛ لەم ماوەیەدا بەردەوام بووم لە سەرپەرشتیکردنی دوو ماستەرنامە و چوار تێزی دکتۆرا، بە زمانەکانی عەرەبی و کوردی و ئینگلیزیی لە هەردوو زانکۆی سەلاحەددین (هەولێر) و سۆران؛ دوو ماستەرنامەکە و دوو تێزی دکتۆرا لە کۆتایی سالی ٢٠٢١ تەواوبوون.

• ئێستاش بەردەوامم لە سەرپەرشتیکردنی دوو تێزی دکتۆرای زانکۆی سەلاحەددین، بە عەرەبی و کوردیی. کاریش لەسەر تەواوکردنی کتێبی “جیۆگرافیای سیاسیی کوردستانی باشوور” دەکەم بە زمانی کوردی، و خەریکی وەرگێرانی تێزی دکتۆراکەشم “Freies Kurdistan” – کە بناخەی کیانی هەرێمە – لە زمانی ئەلمانی بۆ زمانی عەرەبی.